Diet කරන ඔබ වෙනුවෙන්…

Categories

Share

thewoman.lk අපි අද ඔයාලට කියලා දෙන්නේ ඉතාමත් රසවත් සහ ගුණදායක සුප් වර්ග 05ක්. ශරීරයේ තරබාරුව අඩු කිරීමත් නිරෝගී ශරීරයක් පවත්වාගෙන යාමටත් මෙවැනි සැහැල්ලු සහ රසවත් ආහාරයක් ගැනීම ඉතාමත් සුදුසුයි. ඉතින් අපි බලමු කොහොමද මේ සුප් සාදා ගන්නේ කියලා

එළවළු සුප්

 

 

වශ්‍ය ද්‍රව්‍ය
ගෝව නැටි           3-4
බෝංචි කරල්         10
ලීක්ස් ගස්               1
අර්තාපල් ගෙඩි        2
කෑරට් අල              1
බොම්බයි ළුණු        2
කරපිංචා ඉති           1
රතුළුණු පෙති අහුරු 1
සූදුරු මේස හැඳි       1
ගම්මිරිස් මේස හැඳි  1
කොත්තමල්ලි මේස හැඳි 1
වතුර පිරිසි කෝප්ප 12
දෙහි ගෙඩි 1
ලුණු ස්වල්පයක්
දුන්තෙල්, බටර්, මාජරින් හෝ පොල් තෙල් මේස හැඳි

සාදන ක්‍රමය
එළවළු හින්කර කපා හට්ටියකට දමා වතුර වක්කොට සූදුරු කොත්තමල්ලි හා ගම්මිරිස් ද තළා ඊට ලිප තබා ගන්න. ඉන්පසු වතුර කෝප්ප 4ක් පමණ සිඳුණ පසු එළවළු ටික නැඹීලියකට දමා පොඩිකර සුප් එකට දමා සියල්ලම පෙරා දෙහි ඇඹුල් ලුණු අවශ්‍ය පමණට දමා තමන් කැමති තෙල් වර්ගයකින් තෙම්පරාදු කරගන්න. සුප් එක සුදු කර ගැනීමට අවශ්‍ය නම් තෙම්පරාදු කරන්නට මත්තෙන් එළකිරි ටිකක් එක්කර ගන්න

 

බිත්තර සුප්

අවශ්‍ය ද්‍රව්‍ය
තමන් කැමති මස් හෝ මාළු වර්ගයක් තම්බාගත් වතුර පිරිසි කෝප්ප 12
අර්තාපල් ගෙඩි 4
බිත්තර 2
එළකිරි 1/4
රට ලුණු ගෙඩි 1
දෙහි ගෙඩි 1
ලුනු ස්වල්පයක්
බටර් මේස හැඳි 2
තලාගත් ගම්මිරිස් සුරු කොත්තමල්ලි මේස හැඳි 1

සාදන ක්‍රමය
රට ළුණු සහ අල හින්කර ලියා වතුරට දමා තුනපහ සහ ලුනු යොදා ලිප තබන්න. මෙය කෝප්ප 3ක් පමණ සිඳුන පසුව පොඩිකර පෙරා එළකිරි ද එකතු කොට බිත්තර 2 හොඳ හැටි ගසා බටර් මේස හැඳි සාස්පානකට දමා ලිප තබා නටන විට ගසා ගත බිත්තර දමා රන්වන් පාටට දිගෙන එනවිට සුප් එකද සුප් එක ද ඊට එක කල මිනිත්තුවක් දෙකක් පමණ තබා අවශ්‍ය පදමට ලුනු ඇඹුල් දමා ගන්න. පිළිගන්වන විට සුප් කෝප්ප වලට බිත්තර කැබලි හින් කර කපා දමන්න.

 

ගෝවා සුප්

අවශ්‍ය ද්‍රව්‍ය
ගෝවා 250g
ලොකු රට ළුණු ගෙඩි 2
කැරට් අල 2
වතුර කෝප්ප 10
දෙහි ගෙඩි 1
කරපිංචා ඉති 1
ලුනු ස්වල්පයක්

සාදන ක්‍රමය
ගෝවා, රට ළුණු හා කැරට් කැබලි වලට කපා වතුර එක කරන්න. ඉන්පසු දුරු ද්‍රව්‍ය සහ කරපිංචා එක්කොට හොඳ හැටි තම්බා පෙරා ලුණු ඇඹුල් යොදා තමන් කැමති තෙල් වර්ගයකින් තෙම්පරාදු කර පෙරා ගන්න.

 

පිකුදු සුප්

අවශ්‍ය ද්‍රව්‍ය
පීකුදු 500g
කැරට් අල 1
රට ළුණු ලොකු ගෙඩි 1
වතුර කෝප්ප 6
ගම්මිරිස් ස්වල්පයක්
කරපිංචා ඉති 1
දෙහි ගෙඩි 1
ලුණු ස්වල්පයක්

සාදන ආකාරය
පීකුදු, රට ළුණු, කරපිංචා සහ කැරට් කුඩා කැබලි වලට කපා වතුර එක්කර ගම්මිරිස් යොදා ලිප තබා තම්බුනු පසු ලුණු ඇඹුල් පදමට දමා පිළිගන්වන්න

 

එළු මස් සුප් 

 

අවශ්‍ය ද්‍රව්‍ය
එළු මස් 500g
ලීක්ස් ගස් 1
කැරට් අල 1
වතුර කෝප්ප 12
සැල්දිරි ඉති 1
කරපිංචා ඉති 1
දෙහි ගෙඩි 1
තලාගත් ගම්මිරිස්, කොත්තමල්ලි, සුදුරු මේස හැඳි 1
දුන්තෙල්, මාජරින්, පොල්තෙල් මේස හැඳි 2

සදා ගන්නා ආකාරය
එළු මස් සෝදා කැබලි කොට බඳුනකට දමා අර්තාපල්, කැරට් කපා එයට වතුර එක්කර දුරු ද්‍රව්‍යන් ද එක්කර ලිප තබන්න. වතුර කෝප්ප 3ක් පමණ සිඳෙන තුරු තම්බා පෙරාගෙන ඔබ කැමති තෙල් වර්ගයකින් තෙම්පරාදු කර ලුණු, දෙහි ඇඹුල් පදමට යොදා ගන්න

 

 

Author

Share