21.8 C
New York
Friday, October 7, 2022

Buy now

අපූරු රුපලාවන්‍ය රහස් 15ක්. ඔබත් අත් හදා බලන්න

අපි හැමෝම කැමතියි ලස්සනට ඉන්න. හැබැයි ඒ ලස්සන පවත්වාගෙන යන්න අපි ස්වභාවික දේ භාවිත කරනවා නම් කොතරම් හොඳ ද? අපි අද ඔයාලට කියල දෙන්නේ ස්වභාවික දේ භාවිතා කර ලස්සන වෙන්න රහස් ක්‍රම 15ක් ගැනයි. ඔයාලත් මේක අත්හදා බලන්න.

 

01 – සුදු පැහැ දත් දෙපෙළක් සඳහා ග්‍රේට් කළ හෝ ලියාගත් ස්ට්‍රෝබෙරි බේකින් සෝඩා එක්ක කලවම් කරලා මාසෙකට දෙපාරක් දත් බෙහෙත් වෙනුවට දත් මැදීමට පාවිච්චි කරන්න.

02– ඝන ඇහිබැම සහ ඇහි පිහාටු ලබා ගන්නට අවශ්‍ය නම් ඔබේ පැරණි මැස්කාරා බෝතලේ ඉවත නොදා හොඳින් සෝදා එයට එඬරු තෙල්, විටමින් ඊ සහ කෝමාරිකා යුෂ එකතුකරලා බුරුසුව භාවිතයෙන් ඇහි බැමි සහ ඇහි පිහාටු වල ආලේප කරන්න. මෙය මාසයක් නොකඩවා නින්දට පෙර කිරීමෙන් වඩාත් හොඳ ප්‍රතිඵල ලබාගන්නට පුළුවන්.

03 – ඇස් යට කළු වීම වළක්වා ගන්නට කෝපි මණ්ඩි සහ පොල්තෙල් එකකට එකක් යන අනුපාතයෙන් මිශ්‍රකර ඇස යට ආලේප කර විනාඩි පහළොවක් පමණ තබන්න. මෙය සතියකට තුන්-හතර වරක් කිරීම යෝග්‍යයි.

04 – කකුල්වල රෝම ඉවත් කරන්නට සීනි භාවිතයෙන් වේදනාවකින් තොරව සිදු කරන්නට පුළුවන්. මේ සඳහා කළ යුත්තේ දෙහි යුෂ වීදුරු කාලක්, වීදුරු දෙකක ප්‍රමාණයක සීනි, වතුර වීදුරු කාලකට එකතු කරලා කලවම් කරන්න. රන් පැහැති ඝන වෙන තෙක් මෙම මිශ්‍රණය රත් කරන්න. එය හොඳට සිසිල් වුණාට පස්සේ පාදවල රෝම වැවෙන පැත්තට විරුද්ධ දෙසට ආලේප කරලා ඉවත් කර හරින්න.

05 – තෙල් සහිත හිසකෙස් සඳහා පිසීමට ගන්නා ලුණු හෝ මුහුදු ජලය මේස හැඳි දෙකක් තුනක් පමණ ඔබ දැනට භාවිතා කරන ෂැම්පූ බෝතලයට දමා ස්නානය කිරීමේදී හිසකෙස් වලට යොදන්න.

06 – ලස්සන සහ ශක්තිමත් නියපොතු ලබාගන්නට පොල්තෙල් සහ මී පැණි 1:1 අනුපාතයෙන් මිශ්‍ර කරලා ලැවෙන්ඩර් තෙල් බිංදු කීපයක් එකතු කරලා නියපොතුවල ආලේප කරන්න. ඔබට ආලේප කරන්නට සහ ගබඩා කරන්න පහසු වෙන්නට අවශ්‍ය නම් මෙය සෝදා පිරිසිදු කරගත් පැරණි කියුටෙක්ස් බෝතලයක් පාවිච්චි කරන්න පුළුවන්.

07 – මුහුණේ කළු තිත් ඉවත් කරන්නට උණු වතුර මේස හැන්දකට තිරිඟු පිටි මේස හැන්දක් සහ මීපැණි මේස හැන්දක් එකතු කරන්න. පුළුන් ටිකක් හෝ පිරිසිදු රෙදි කැබැල්ලක් මේ මිශ්‍රණයේ පොඟවලා කළු තිත් තිබෙන ස්ථානවල යොදලා විනාඩි 10 කින් 15 කින් පමණ ඉවත් කර හරින්න.

08 – හිරු එළියෙන් පිළිස්සුණු සම සුවපත් කරන්නට බේකින් සෝඩා විනාඩි 10ක් 15ක් පමණ කාලයක් ඒ මත ආලේප කර තබන්න.

09 – යටි පතුල් සුසිනිඳු කරන්නට උණු වතුර කෝප්ප දෙකකට, බේකින් සෝඩා කෝප්ප බාගයක් සහ විනාකිරි කෝප්යක් එකතු කර මිශ්‍ර කරන්න. එහි යටි පතුල විනාඩි 15ක් 20ක් පමණ තියලා වියළි තුවායකින් පිසදාලා පෝෂ්‍යදායී ක්‍රීම් එකක් ආලේප කරන්න.

10 – මුහුණ පැහැපත් කරන්නට අඟුරු මේස හැඳි දෙකක් උණු වතුරේ දිය කරපු ජෙලටින් මේස හැඳි එකහමාරකට එකතු කරන්න. මෙය ජෙලි බවට පත්වන තෙක් මයික්‍රොවේව් එකේ හෝ හුමාලයේ රත් කරන්න. නිවුණු පසු එය මුහුණේ ගල්වා විනාඩි 30කට පමණ පස්සේ සෝදා හරින්න.

11 – දවස පුරාම නැවුම් මුහුණක් ලබාගන්නට කෝමාරිකා යුෂ පිරිසිදු වතුරේ 1ට 3 අනුපාතයෙන් කළවම් කරලා ස්ප්‍රේ කරන්න පුළුවන් බෝතලයකට දාගන්න. දැන් ඔබට අවශ්‍ය වෙලාවක ඕනම තැනකදී එයින් ටිකක් මුහුණට ස්ප්‍රේ කරගන්න පුළුවන්.

12 – හිසකේ සුවඳවත් කරගන්න අමුතුවෙන් ක්‍රීම් වර්ග අවශ්‍ය නැහැ. ඔබේ සුවඳ විලවුන් බෝතලයෙන් පනාවට ස්ප්‍රේ කරලා කොණ්ඩෙ පීරන්න.

13 – පියයුරුවල හැඩය පවත්වා ගන්නට නිදාගන්න කලින් සම මත ආලේප කරන ක්‍රීම් වර්ගයක් භාවිතා කරලා උඩු අතට පිරිමදින්න. සති දෙකකින් පමණ ඔබට හොඳ ප්‍රතිඵල ලබාගන්න පුළුවන්.

14 – සෞඛ්‍යමත් ශරීරයක් සඳහා ඉඟුරු මේස හැඳි දෙකක්, රූපලාවණ්‍යය සඳහා භාවිතා කරන ඝන ආලේපනය මේස හැඳි 5ක් උණු වතුර මේස හැඳි 10කට එක් කරන්න. මෙය ශරීරයේ ආලේප කරලා ප්ලාස්ටික් ආවරණයකින් වහලා පැයක් පමණ තියන්න. ඉන්පසු උණු වතුරෙන් ස්නානය කරන්න. සතියකට වතාවක් විතර මෙය කරන්න.

15 – අත් යට පැහැපත් කරගන්නට අල ග්‍රේට් කරලා හෝ සිහිනියට ලියා පොඩි කරගෙන අත් යට පැය භාගයක් පමණ ආලේප කොට තබන්න.

Related Articles

Stay Connected

0FansLike
3,518FollowersFollow
0SubscribersSubscribe
- Advertisement -

Latest Articles